संकष्टमोचन
स्तोत्रम – Sankashtamochan stotram
सिन्दूरपूररुचिरो
बलवीर्यसिन्धु -
र्बुद्धिप्रवाहनिधिरद्भुतवैभवश्री:
।
दीनार्तिदावदहनो
वरदो वरेण्य:
संकष्टमोचनविभुस्तनुतां
शुभं न: ।।
सोत्साहलड़्घितमहार्णवपौरुषश्री
-
र्लड़्कापुरीप्रदहनप्रथितप्रभाव:
।
घोराहवप्रमथितारिचमूप्रवीर:
प्राभंजनिर्जयति
मर्कटसार्वभौम: ।।
द्रौणाचलानयनवर्णितभव्यभूति:
श्रीरामलक्ष्मणसहायकचक्रवर्ती
।
काशीस्थदक्षिणविराजितसौधमल्ल:
श्रीमारुतिर्विजयते
भगवान महेश: ।।
नूनं स्मृतोsपि दयते भजतां कपीन्द्र:
सम्पूजितो दिशति
वांछितसिद्धिवृद्धिम ।
सम्मोदकप्रिय
उपैति परं प्रहर्षं
रामायणश्रवणत:
पठतां शरण्य: ।।
श्रीभारतप्रवरयुद्धरथोद्धतश्री:
पार्थैककेतनकरालविशालमूर्ति:
।
उच्चैर्घनाघनघटाविकटाट्टहास:
श्रीकृष्णपक्षभरण:
शरणं ममास्तु ।।
जड़्घालजड़्घ
उपमातिविदूरवेगो
मुष्टिप्रहारपरिमूर्च्छितराक्षसेन्द्र:
।
श्रीरामकीर्तितपराक्रमणोद्धवश्री:
।
प्राकम्पनिर्विभुरुदंचतु
भूतये न: ।।
सीतार्दिदारुणपटु:
प्रबल: प्रतापी
श्रीराघवेन्द्रपरिरम्भवरप्रसाद:
।
वर्णीश्वर:
सविधिशिक्षितकालनेमि:
पंचाननोsपनयतां विपदोsधिदेशम ।।
उद्यद्भानुसहस्त्रसंनिभतनु:
पीताम्बरालड़्कृत:
प्रोज्ज्वालानलदीप्यमाननयनो
निष्पिष्टरक्षोगण: ।
संवर्तोद्यतवारिदोद्धतरव:
प्रोच्चैर्गदाविभ्रम:
श्रीमान
मारुतनन्दन: प्रतिदिनं ध्येयो विपद्भंजन: ।।
रक्ष:
पिशाचभयनाशनमामयाधि -
प्रोच्चैर्ज्वरापहरणं
दमनं रिपूणाम ।
सम्पत्तिपुत्रकरणं
विजयप्रदानं
संकष्टमोचनविभो:
स्तवनं नराणाम ।।
दारिद्रयदु:खदहनं
विजयं विवादे
कल्याणसाधनममंगलवारणं
च ।
दाम्पत्यदीर्घसुखसर्वमनोरथाप्तिं
श्रीमारुते:
स्तवशतावृतिरातनोति ।।
स्तोत्रं य
एतदनुवासरमस्तकाम:
श्रीमारुतिं
समनुचिन्त्य पठेत सुधीर: ।
तस्मै
प्रसादसुमुखो वरवानरेन्द्र:
साक्षात्कृतो
भवति शाश्वतिक: सहाय: ।।
संकष्टमोचनस्तोत्रं
शंकराचार्यभिक्षुणा ।
महेश्वरेण रचितं
मारुतेश्चरणेsर्पितम ।।
कोई टिप्पणी नहीं:
एक टिप्पणी भेजें